Qashqadaryolik erkak hamqishlog‘ini katta pulga chuv tushirdi
Joriy yilning 15 may kuni Qashqadaryo viloyatining Yakkabog‘ tuman prokuraturasidan tushgan hujjatlarga ko‘ra, unda 2018 yil noyabr oyida Chaydari qishlog‘ida yashovchi M.X. hamqishlog‘i N.N.ni tadbirkorlik qilish maqsadida Xitoy Xalq Respublikasiga ketayotganligini eshitib, unga Shvesariyadagi bankda o‘zining hisobida katta miqdorda puli borligi va Xitoy Xalq Respublikasidagi hisob raqamiga 10 000 AQSh dollari o‘tkazib berishini aytib, undan 3 mln. so‘m pul va 5 000 AQSh dollarini olgan va uning hisob raqamiga pul o‘tkazganligi haqida soxta bank qog‘ozini taqdim qilgan.
O‘zbekiston Respublikasi IIV Jamoatchilik va OAV bilan aloqalar boshqarmasiga ko‘ra, holat yuzasidan jinoyat ishi qo‘zg‘atilib, M.X. ushlangan. Tergov harakatlari olib borilmoqda.
