Poyabzalingiz cho‘chqa terisidan emasmi?

Musulmon kishi uchun narsa qanday materialdan yasalganligi juda katta ahamiyatga ega. Poyabzal yoki sumka cho‘chqa terisidan yasalganligini qanday bilsa bo‘ladi?

Moda sanoatida ko‘plab brendlar poyabzal, kamar, sumka kabi qator ashyolar tayyorlash uchun cho‘chqa terisidan  foydalanadilar. Bu  material arzon bo‘lib, mahsulot tannarxini ham kamaytiradi. Balki bu narsa cho‘chqa terisini shilib olish va oshlash oson bo‘lgani bilan bog‘liqmi bunisi bizga qorong‘u (cho‘chqalar odatda juda unumdor bo‘ladi).

Haqiqiy hayotda biz cho‘chqa terisidagi o‘ziga xos xususiyatlari va tuzilishi bilan aniqlashim mumkin. Internet-do‘kondan sotib olish jarayonida cho‘chqa terisini ajratib olishning oson yo‘li mavjud.

1. Tabiiy xususiyatlari

Cho‘chqa terisining eng muhim belgisi bu – butun teri bo‘ylab uch nuqtali naqshining mavjudligi. Uchta nuqtali belgining xilma-xilligi juda ko‘p, ammo ularning barchasida bitta umumiy narsa bor: uchta nuqta bir-biriga yaqin va bir xil shaklni tashkil etadi. Shakl o‘z navbatida Mikki Mous multqahramonini yodingizga soladi.

Yana bir yorqin  belgisi shundaki, teshiklar butun yuzada ko‘rinadi. Oddiy cho‘chqa terisida siz teshiklarni osongina sezishingiz mumkin. Ba’zi ishlab chiqaruvchilar bu teshiklarni ko‘rinmas qilib niqoblash uchun qo‘llaridan kelganicha harakat qilishadi, lekin qalloblikning biribir misi chiqadi.

Xo‘sh, fotosuratdan cho‘chqa terisini qanday tanib olish mumkin? Juda oson. Siz e’tiborli bo‘lsangiz bas, darhol ajratib olasiz.

Masalan, bu poyabzalning ichki taglik qismi cho‘chqa terisidan ishlangan.

Cho‘chqa terisi ekani bizga yaqqol ko‘rinib turibdi. 

Bu suratda ham taglik cho‘chqa terisidan ishlangan. Rasmni kattalashtirib ko‘rilsa undagi uch nuqtalar aniq – ravshan ko‘rinadi.  

Bu taglik ham cho‘chqa terisi, faqat boshqacha yo‘nalishda ishlangan.

Bu rasm sizni chalg‘itishi mumkin. Buzoq terisi deb o‘ylarsiz, yo‘q yaxshiroq qarasangiz sizga uch nuqta shakli ko‘rinadi. 

Quyidagi suratda poyafzal qo‘y terisidan qilingan, biroq, yon tomoniga qarasangiz bu yerda ham cho‘chqa terisi ishlatilganini bilib olasiz. 

Boshqa hayvonlarning terisi qanday ko‘rinishi haqida aytib o‘tamiz

Odatda yosh buzoq terisi katta buqalarniga qaraganda silliq va tekisroq bo‘ladi. Teridagi teshiklar deyarli ko‘rinmas darajada.

Kichkina teshiklar qo‘y terisida ko‘rinadi, ammo ular cho‘chqa terisida bo‘lgani kabi uchta bo‘lmaydi. Buni Asos yorlig‘i misolida ko‘rishimiz mumkin.

Tuyaqush terisini tanib olish birmuncha oson. Undagi teshiklar juda sezilarli, ular bo‘rttirma va aniq ko‘rinib turadi. Cho‘chqaning terisiga o‘xshaydi, ammo tuyaqushning terisi bir nuqtali, uch nuqtadan iborat shakllar mavjud bo‘lmaydi.

Quyida buzoq terisidan ishlangan namunani ko‘rishimiz mumkin.

Bu rasmdagi  teshiklar cho‘chqa terisidagi belgilarga o‘xshab ketsada, biroq teshiklar uch nuqtali emas. Hajm jihatidan kattaroq.

Ko‘p hollarda siz shubhalanib qolishingiz mumkin, biroq quyidagi xususiyatlar orqali siz qiynalmasdan cho‘chqa terisini ajratib olishingiz mumkin.

2. Hid

Matodagi hidni ta’riflash juda qiyin - uni o‘zingiz hidlashingiz kerak. Aytishimiz mumkinki, cho‘chqa terisi buzoq terisining mast qiluvchi hididan farqli o‘laroq, kuygan teri hidiga o‘xshash o‘tkir hidga ega.

3. Narx

Mahsulot cho‘chqa terisidan tayyorlanganligini aniqlashning yana bir oson usuli (ayniqsa, chet elda joylashgan onlayn-do‘konlardan sotib olsangiz) narxiga qarashning o‘zi kifoya. Arzon poyabzallarning aksariyatida cho‘chqa terisi tag qismida ishlatiladi va bu o‘z-o‘zidan narxga sezilarli ta’sir qiladi.

London do‘konlarining aksar brendlarida cho‘chqa terisi borligi yaqqol seziladi.

Bu quyidagi brendlar

Kurt Geiger (asosan eng arzon brend).

Hudson.

Swear.

Topman, River Island, New Look.

N&M mahsulotlarida cho‘chqa terisi ishlatiladi, ba’zan sintetikadan foydalaniladi.

Asos va Nike brendidagi poyabzallarning asosiy qismlari.

Gucci Prada, Fendi kabi brendlarda buzoq terisi ishlatilgani hisobiga narx ancha qimmat. 

Eng muhimi, sotib olishdan oldin tekshiring. Mahsulotning cho‘chqa terisidan emasligiga ishonch hosil qilishingiz kerak. Ehtimol, siz Gucci yoki Fendi mahsulotlarida ham cho‘chqa terisini toparsiz ... (darvoqe, Gucci yorlig‘i ostida cho‘chqa terisidan qilingan ayollar sumkalari ishlab chiqarilgani haqida ham aytib o‘tilgan).