Parijda tibbiyotchilar va polisiya o‘rtasida to‘qnashuvlar sodir bo‘ldi

Kuni kecha Fransiya poytaxti Parij shahridav yuzlab tibbiyotchilar norozilik aksiyasini tashkil etgan. Ular Nogironlar Uyiga yaqinlashib kelgach, tartibsizliklar boshlandi. Qora kiyimdagi aksiya ishtirokchilari axlat idishlarga o‘t qo‘ydi, polisiyaga tegishli avtomobillardan biri ag‘darib tashlandi. Huquqni muhofaza qilish tashkiloti xodimlariga qarata turli buyumlarni irg‘ita boshlashdi. Natijada polisiyachilar aksiya ishtirokchilariga qarshi ko‘zdan yosh oqizuvchi gazni qo‘llashga majbur bo‘ldi. Tez orada aksiyachilar o‘rab olindi. Jami 16 kishi qo‘lga olindi.