Nursulton Ro‘ziboyev UFC'dagi keyingi jangini qachon o‘tkazishini aytdi

O‘zbekistonlik UFC jangchisi Nursulton Ro‘ziboyev navbatdagi yangiliklar bilan o‘rtoqlashdi.

"Hozir yana to‘rtta jang uchun shartnoma imzoladim. Menejerlarim Firdavs aka, Ali Abdel-Azizga rahmat. Xullas, bundan buyog‘iga uzoq vaqt UFC'da bo‘lamiz.

Yangi jang uchun hali imzo chekmadim. Sababi, jangni aniq vaqtini bilgan holda mashg‘ulotlarni boshlashim muhim. Mashg‘ulotlarni boshlaganimdan keyin, bu haqda aytaman. Avgust oyining oxiri yoki sentyabrga jang qilishni mo‘ljallayapmiz", dedi Ro‘ziboyev.