Netanyaxu «to‘liq g‘alaba»ga va’da bergan G‘azo hujumlarida 121 falastinlik o‘ldirildi

Netanyaxu AQShdan Falastinga hujum uchun yodam so‘rayotgan bir paytda, bosqinchilar G‘azoda 100 dan ortiq musulmonlarni qirib tashladi.

Hujumlar Benyamin Netanyaxu AQShga kelganida sodir bo‘ldi. U AQShdan Falastinga hujumni qo‘llab-quvvatlashini kuchaytirishni so‘ramoqda.

Isroilning G‘azo janubidagi odamlarga uch kunlik hujumi oqibatida kamida 121 falastinlik halok bo‘ldi va yana o‘nlab odamlar yaralandi.

Avvalroq falastinliklar uchun «xavfsiz boshpana» deb atalgan Xon Yunisni quruqlikdan qilingan hujum G‘azodagi eng qonli jang maydonlaridan biriga aylantirdi.

Xon Yunisdagi havo hujumi oqibatida bir necha falastinlik halok bo‘lgan binolar orasida vaqtinchalik boshpana sifatida foydalanilayotgan maktab ham bor. Bosqinchi Isroil harbiylari G‘azoda shu paytgacha 39 143 falastinlikni o‘ldirdi va 90 257 kishini mayib qildi.

Halok bo‘lganlar orasida 16 172 nafar bola bor. Isroilning bosib olingan G‘arbiy sohildagi tungi bosqinlari keng ko‘lamli vahima uyg‘otdi, chunki harbiylar Falastin binolarini portlatib yubormoqda.