Moskva viloyatida ikkita yuk mashinasi to‘qnashib ketdi, ikkala haydovchi ham halok bo‘ldi

Moskva viloyatidagi trassada ikki yuk mashinasi to‘qnashib ketdi , natijada mashinalardan biri yonib ketdi va ikkala haydovchi ham halok bo‘ldi. Bu haqda Rossiya Ichki ishlar vazirligining Moskva viloyati bo‘yicha bosh boshqarmasi ma’lumotiga tayanib, «TASS» xabar bermoqda.

“Dastlabki ma’lumotlarga ko‘ra, haydovchi «Gazelle» rusumli avtomashinani boshqarib ketayotib, qarama-qarshi yo‘nalishga chiqib ketgan va u yerda «Mersedes» yuk mashinasi bilan to‘qnashib ketgan va natijada yonib ketgan”, — deyiladi xabarda.