Magistraturada o‘qiydigan barcha xotin-qizlarning to‘lov-kontrakt miqdorlari davlat byudjeti hisobidan qoplanadi

Prezidentning tegishli qaroriga ko‘ra, bundan buyon davlat OTMlari magistraturasiga o‘qishga kirgan barcha xotin-qizlarning to‘lov-kontrakt miqdorlari davlat byudjeti mablag‘lari hisobidan qoplanadi.

Bunda:

➖ 2021/2022 o‘quv yilida davlat oliy ta’lim muassasalari magistraturasiga talabalikka qabul qilinib, to‘lov-kontrakt asosida tahsil olayotgan xotin-qizlarning 2022/2023 o‘quv yili uchun to‘lov-kontrakt miqdori;

➖2022/2023 o‘quv yilidan boshlab davlat oliy ta’lim muassasalari magistraturasiga ajratilgan qabul parametrlari doirasida bazaviy to‘lov-kontrakt asosida talabalikka qabul qilingan xotin-qizlarning to‘lov-kontrakt miqdori qoplab beriladi.