Livanda 2 ta Isroilning uchuvchisiz samolyoti aniqlandi

Yakshanba kuni Livan armiyasi Isroilning bir uchuvchisiz uchog‘i qulagani, boshqasi esa mahalliy vaqt bilan soat 02:30 (GMT 2330) da poytaxt Bayrutning janubiy chekkasida portlagani va mamlakatga moddiy zarar yetkazgani haqida ma’lumot berdi. Bu haqida Reuters agentligi xabar bermoqda.

«Armiya darhol etib keldi va ikki dron tushgan hududni o‘rab oldi», deyiladi armiya bayonotida.

Hizbullohning ta’kidlashicha, yakshanba kuni Isroilning bir uchuvchisiz samolyoti qulagan, ikkinchisi Bayrutning Dahiyeh chekkasidagi Hizbullohning media markaziga zarar etkazgan.