Ko‘chmanchi fillar Xitoyda qanday dam olmoqda? (+foto)

2020 yilning mart oyida 16 ta Osiyo fillari Xitoy janubidagi qo‘riqxonadan qochib ketgan. Hayvonlar mamlakat shimoli tomon yo‘l olishgan.

Xitoyda himoyalangan mazkur Osiyo fillari nima uchun ko‘chib o‘tishni qaror qilgani noma’lum. Ularning sayohati rasmiylar tomonidan nazorat qilinmoqda. Mahalliy hokimiyat tomonidan fillarning migrasiyasini kuzatish uchun 410 nafar mutaxassis yuborilgan.

Ular oziq-ovqatlarni karmoq sifatida ishlatib, hayvonlarni aholi punktlaridan uzoqlashtirishga harakat qilishmoqda. Fillar to‘dasi mamlakatning qishloq xo‘jaligiga 1 mln AQSh dollari miqdorida zarar yetkazgan.

Osiyo fillari Xitoyda hukumatning kuchli himoyasi ostida qo‘riqlanadi. Ularni himoya qilish choralari tufayli Yunnan provinsiyasida yovvoyi fillar soni 300 taga o‘sdi, 1980 yillarda ularning soni 193 ta bo‘lgan.