JSST: "Evropada bahorgacha COVID-19 qurbonlari soni 700 mingdan oshishi mumkin"

Jahon sog‘liqni saqlash tashkiloti kelasi bahorga qadar Yevropaning 53 mamlakatida 700 mingdan ortiq kishi koronavirusdan vafot etishi mumkinligini ma’lum qildi.

Markaziy Kopengagenda joylashgan JSST bosh shtab-kvartirasi odamlarni virus tarqalishining oldini olish uchun emlanish, to‘g‘ri gigiyena va ijtimoiy masofa qoidalariga rioya qilishga chaqirmoqda.

Mintaqadagi 53 davlatda jami hayotdan ko‘z yumganlar soni 2 milliondan oshishi mumkinligiga alohida e’tibor qaratilib, 60 yoshdan oshganlar va sog‘liqni saqlash xodimlariga "qo‘shimcha kuchaytirilgan doza" berilishi kerakligi ta’kidlandi.

"Vaziyat juda og‘ir"

"Bugun Yevropa va Markaziy Osiyoda COVID-19 bilan bog‘liq vaziyat juda og‘ir. Bizni qiyinchiliklarga boy qish mavzsumi kutmoqda, ammo umidsiz bo‘lmasligimiz kerak, chunki hukumatlar, sog‘liqni saqlash rasmiylari, insonlar, barchamiz pandemiyani to‘xtatish uchun qat’iy choralar ko‘rishimiz mumkin", — dedi JSST Yevropa direktori Dr. Xans Kluge.

BMT tashkilotining Jenevadagi shtab-kvartirasi avvalroq vaksinasiya jarayonida qiynalayotgan rivojlanayotgan mamlakatlarga murojaat qilgan edi.

O‘tgan haftada Yevropa mintaqasida COVID-19 tufayli o‘limlar kuniga taxminan 4,200 tagacha ko‘tarildi. Mintaqada jami o‘limlar soni esa 1,5 millionga yetdi.

O‘lim darajasi nega ortmoqda?

JSST Yevropa mitaqasida o‘limning ko‘payishiga turtki bo‘lgan omillarni quyidagicha sanab o‘tdi: virusning o‘ta yuqumli delta varianti, niqob taqish va ba’zi joylarda ijtimoiy masofani saqlash kabi cheklovlarning yumshatilishi hamda Yevropa aholisining katta qismi emlanmaganligi kabilar.

JSST shtab-kvartirasi 2022 yilning 1 martigacha 25 ta davlatda yotoqxonali shifoxonalar va 49 ta davlatda intensiv terapiya bo‘limlari yetishmasligi haqida ogohlantirdi. Shuningdek, kelasi yilning bahoriga qadar o‘limlar soni 2,2 milliondan oshishini taxmin qildi.