Janubiy Koreya KXDRning chiqindi sharlariga javoban tashviqot operasiyasini boshladi

Shimoliy Koreya yana Janubiy Koreya tomon chiqindi bilan to‘ldirilgan yuzlab sharlarni uchirdi. Yonhap agentligi ma’lumotlariga ko‘ra, 8 iyun kuni harbiylar Shimoliy Koreya tomonidan yuborilgan 330 ga yaqin havo sharlarini aniqlagan. Ularning 80 dan ortig‘i Janubiy Koreyaga qo‘ndi.

O‘tgan oy oxiridan beri Shimoliy Koreyada mingdan ortiq havo sharlarini uchirdi, ular ustiga chiqindi qoplari – plastmassa, sigaret qoldiqlari, chiqindi qog‘oz, go‘ng va mato bo‘laklari yopishtirilgan.

Janubiy Koreya hukumati bunga javoban chegara hududlarida ovoz kuchaytirgichlar orqali Shimoliy Koreyaga qarshi tashviqotni qaytadan ko‘rsatishni boshladi, deya xabar beradi The Associated Press.

Efirdan bir necha soat o‘tib Shimoliy Koreya yetakchisi Kim Chen Inning singlisi Janubiy Koreya «juda xavfli vaziyatga debocha» yaratganini aytdi.

Uning so‘zlariga ko‘ra, Janubiy Koreya Shimoliy Koreyaga qarshi eshittirishni davom ettirsa va faollarning Shimoliy Koreyaga qarshi tashviqot varaqalarini chegaradan noqonuniy olib o‘tishini to‘xtatmasa, Shimoliy Koreyadan «yangi javob»ni ko‘radi.

«Men Seulni o‘zining xavfli faoliyatini zudlik bilan to‘xtatishi haqida qattiq ogohlantiraman, bu esa qarama-qarshilik inqirozini yanada kuchaytiradi», dedi Kim Yo Chen In Shimoliy Koreya rasmiy markaziy agentligi tomonidan e’lon qilingan bayonotda.

Nashrning ta’kidlashicha, tashviqot ko‘rsatuvlarining qayta tiklanishi javob harbiy qadamlarini keltirib chiqarishi mumkin, chunki dushmanlar o‘rtasida keskinlik kuchaymoqda va Shimoliy Koreyaning yadroviy ambisiyalari bo‘yicha muzokaralar boshi berk ko‘chada qolmoqda.

Seul birinchi marta 2004 yilda Shimoliy Koreya ommaviy axborot vositalariga qarshi bo‘lgan yangiliklar va boshqa dasturlarni efirga uzatishni sinab ko‘rdi. Chegaradagi ovoz kuchaytirgichlar oxirgi marta 2016 yilda, Pxenyan navbatdagi yadro sinovlarini o‘tkazganida yoqilgan edi.