Jahon chempionati-2022 bir kun oldin boshlanadi

Jahon chempionatining ilk o‘yini 21 noyabrdan 20 noyabrga ko‘chiriladi. Bu haqda FIFA xabar tarqatdi.

Jahon chempionatining boshlanishi bir kun oldin o‘tkazilishi Qatarga birinchi o‘yinda Ekvador bilan o‘ynashga va birinchi o‘yinda mezbon mamlakat an’anasini davom ettirishga imkon beradi.

Chempionatning ilk o‘yini mahalliy vaqt bilan 20 nayabr kuni 21:00 da boshlanadi.

Futbol bo‘yicha jahon chempionatini o‘tkazish tashkiliy qo‘mitasi tomonidan ilgari surilgan o‘yinlar jadvalidagi mazkur o‘zgarishlar FIFAning tegishli Kengashi yig‘ilishida tasdiqlanmog‘i lozim.