Isroilning zarbasi oqibatida besh nafar suriyalik harbiy halok bo‘ldi

Isroil havo kuchlarining Suriya armiyasining Livan bilan chegarasi yaqinidagi pozisiyasiga bergan zarbasi natijasida besh nafar askar halok bo‘ldi, bir nafari yaralandi. Bu haqda Suriya mudofaa vazirligi ma’lum qildi. "Bugun taxminan soat 01.35 da Isroil qurolli kuchlari Golan tepaliklaridan Damashq viloyatidagi Kfair Yabus qishlog‘i yaqinidagi Suriya-Livan chegarasidagi harbiy pozisiyalarimizdan biriga hujum qildi, natijada besh askar halok bo‘ldi, yana biri yaralandi" - deyiladi xabarda.