Isroil Yaqin Sharqdagi istalgan nuqtaga hujum qilishga tayyorligini ma’lum qildi

Isroil mudofaa kuchlari Yaqin Sharq mintaqasining istalgan nuqtasiga hujum qilishi mumkin. Bu haqda Isroil armiyasi bosh shtabi boshlig‘i Gerzi Halevi Eronga javob zarbasi berish ehtimolini izohlar ekan , deya xabar beradi Reuters .

«Biz Yaqin Sharqning istalgan nuqtasiga yetib borish va hujum qilish imkoniyatiga egamiz. Buni hali tushunmagan dushmanlarimiz esa tez orada tushunishadi», - deydi harbiy.

Halevi, shuningdek, Isroil Tehrondan berilgan raketa zarbasiga «albatta javob berishini» ta’kidlab , Isroil armiyasi o‘q otish uchun mo‘ljallarni to‘g‘ri topishga va ularni keng miqyosda zarba berishga qodirligini qo‘shimcha qildi.