Isroil samolyotlari Bayrut chekkasidagi turar-joy binosini vayron qildi

Livan poytaxtining janubiy chekkasida joylashgan ko‘p qavatli turar joy binosi Isroil havo hujumi natijasida butunlay vayron bo‘ldi. Bu haqda guvohlarga tayanib, RIA Novosti xabar bermoqda .

Mahalliy aholining so‘zlariga ko‘ra, Shiyax hududida juda kuchli portlash sodir bo‘lgan. Oqibatda uylardan biri butunlay vayron bo‘lgan, qo‘shni uylarning oynalari singan.

10 daqiqadan kamroq vaqt o‘tgach, Bayrutning janubiy chekkasida yana bir kuchli portlash ovozi eshitildi .

2-oktabr kuni Isroil harbiy-havo kuchlari (IAF) qiruvchilari Livan poytaxtining janubiy chekkasida bir qator maqsadli zarbalar berdi . Hizbulloh shia tashkilotining qarorgohi joylashgan Haret Xoreyk kvartalidan portlash ovozlari eshitildi.