Germaniya 15 iyungacha chegaralarni to‘liq ochmoqchi
Germaniya hukumati koronavirus pandemiyasi sababli yopilgan qo‘shni davlatlar bilan chegaralarini 15 iyungacha ochish va nazoratdan butkul voz kechishni rejalashtirmoqda.
Nashrning xabariga ko‘ra, hukumat o‘z rejalari to‘g‘risida kelasi haftada rasman ma’lum qiladi. Nazorat o‘rniga oddiy tekshiruvni joriy etish ko‘zda tutilmoqda.
Germaniya kansleri Angela Merkel Fransiya prezidenti Emmanuel Makron va Avstriya kansleri Sebastyan Kurs bilan chegaralarni ochish masalasini muhokama qildi.
Merkel vazirlar mahkamasi yig‘ilishida Parij chegaradagi odatiy rejimga qaytishga hozircha tayyor emasligini, ammo iyun o‘rtalariga kelib ilgarigi tartibni tiklashni mo‘ljallayotganini aytgan.
Eslatib o‘tamiz, Germaniya 16 martdan Avstriya, Daniya, Lyuksemburg, Fransiya va Shveysariya bilan, keyinroq Belgiya, Niderlandiya, Polsha va Chexiya bilan chegaralarini yopgandi.
