«GAIni duxini sindirish bo‘yicha master klass» o‘tgan haydovchi 15 sutkaga «kesildi»

Ijtimoiy tarmoqda «GAIni duxini sindirish bo‘yicha master klass» sarlavhasi ostida tarqalgan video lavha yuzasidan surishtiruv harakatlari olib borilayotgani haqida xabar berilgandi.

Yo‘l harakati xavfsizligi Bosh boshqarmasi ma’lum qilishgicha, holat yuzasidan to‘plangan hujjatlar 2 aprel kuni Jinoyat ishlari bo‘yicha Qibray tuman sudida ko‘rib chiqilgan.

Fuqaro A.S. O‘zbekiston Respublikasi Ma’muriy javobgarlik to‘g‘risidagi Kodeksning 183-moddasi va 194-moddasi 1-qismida ko‘rsatilgan huquqbuzarliklarni sodir etgan deya topilib, unga nisbatan 15 sutka ma’muriy qamoq jazosi belgilandi.