Eron lochinlari qasos olishni talab qilmoqda

Eron davlat televideniyasi Tehron o‘zining «qizil chiziqlari»ni buzish deb atagan Isroilning bir qator harakatlaridan so‘ng mamlakat bo‘ylab yig‘ilgan tarafdorlari qasos olishga chaqirayotgani tasvirini efirga uzatdi.

Davlat televideniyesi boshlovchisi shunday dedi:
Bag‘dod bilan Tehron yoki Bayrut va Tehron o‘rtasida farq yo‘q, [Isroil] rejimi bu joylarning barchasini nishonga oladi. Netanyaxu dialogni tushunmaydi - u faqat bir tilni tushunadi, bu raketalar, ballistik raketalar va har xil dronlar.

Tehron Isroilni bir qancha qizil chiziqlarni kesib o‘tganlikda ayblaydi, jumladan G‘azodagi quruqlikdagi operasiya, Damashqdagi Eron konsulligiga da’vo qilingan havo hujumi va Tehronda HAMAS yetakchisi Ismoil Haniyaning o‘ldirilishi.

Nasrullohning o‘limiga sabab bo‘lgan so‘nggi zarba vaziyatni yanada og‘irlashtirdi.

Eron hukumati bosim ostida edi.

Damashqdagi konsullikka uyushtirilgan hujumdan keyin Eron Isroilga raketa hujumi bilan javob qaytardi, biroq bu javob mamlakat ichidagi qirg‘iylarga yetarli bo‘lmagandek tuyuldi. Ularning ta’kidlashicha, Eronning harakatsizligi Isroil tomonidan yanada kuchayishiga turtki beradi.

Vaziyat Isroil tomonidan hujumga uchragan va Tehrondan unchalik ko‘p yordam olmagan mintaqadagi Eronparast guruhlarga ham ta’sir qilmoqda. Bu Eronning Yaqin Sharqdagi ta’siriga putur etkazishi mumkin.