EI fuqarolik jamiyatini qo‘llab-quvvatlash maqsadida O‘zbekistonga 3,5 million yevro miqdorida grant ajratdi

Yevropa Ittifoqi vakillari jami 3,5 million yevroga yaqin grant ajratilishini e’lon qildi. Mablag‘lar O‘zbekistonda 2024–2026 yillarda sakkizta loyihani amalga oshirishga yo‘naltiriladi, deb xabar bermoqda Podrobno.uz muxbiri.

“Fuqarolik jamiyati va hukumat hamkorlari bilan birgalikda biz demokratiya va tinch jamiyat uchun zarur bo‘lgan plyuralizm va inklyuzivlikka o‘z hissamizni qo‘shamiz, – dedi Yevropa Ittifoqining O‘zbekistondagi elchisi Sharlotta Adrian.

Loyihalarning ustuvor yo‘nalishlari fuqarolik jamiyati, ayniqsa, xotin-qizlar, yoshlar va ijtimoiy himoyaga muhtoj qatlamlarning imkoniyatlarini kengaytirish, tenglik, ishonchni oshirish va bunga muhtojlarga moslashishga yordam berishdan iborat bo‘ldi.