Denov tumanida qo‘lbola usulda alkogolli mahsulotlari ishlab chiqarayotgan yashirin sexlar fosh etildi

Bosh prokuratura huzuridagi Departament hamda DXXning Denov tuman bo‘limlari tomonidan o‘tkazilgan tezkor tadbirda, “Obodon” MFYda yashovchi 6 nafar fuqaro o‘z uylarida etil spirtidan alkogol mahsulotlarini ishlab chiqarayotganligi aniqlanib, ushbu xonadonlardan jami 3 240 dona qo‘lbola usulda tayyorlangan “Denov” nomli alkogol mahsuloti, 2 784 litr spirt, 6 254 dona qalbaki aksiz marka, 5 562 dona qopqoq, 1 150 dona “Denov” yorlig‘i tushirilgan yorliq, 948 dona bo‘sh idish, 1 to‘plam kompyuter, rangli printer va boshqa tovar-moddiy boyliklar ashyoviy dalil sifatida olingan.

Mazkur holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) va 186-1-moddasi (alkagol mahsulotini qonunga xilof ravishda ishlab chiqarish yoki muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.