Buxoro viloyatidagi aholi muammolari o‘rganilmoqda. Maqsad — aholining turmush sharoitini yaxshilash

Buxoro viloyatidagi aholi muammolari o‘rganilmoqda. Maqsad — aholining turmush sharoitini yaxshilash

O‘zbekiston Respublikasi iqtisodiy taraqqiyot va kambag‘allikni qisqartirish vazirligi huzuridagi birlashtirilgan loyihalarni amalga oshirish guruhi tomonidan Buxoro viloyatiga press-tur uyushtirdi. Maqsad Islom taraqqiyot banki va OPEK xalqaro taraqqiyot jamg‘armasi ishtirokida «Qishloq joylarni barqaror rivojlantirish» loyihasi bo‘yicha Buxoro viloyatida amalga oshirilayotgan ishlar bilan tanishish edi.

Buxoro viloyatidagi aholi muammolari o‘rganilmoqda. Maqsad — aholining turmush sharoitini yaxshilash

Press-tur davomida OAV vositalari xodimlari Vobkent tumanidagi Shanba mahalla fuqarolar yig‘inida bo‘lib, bu yerda amalga oshirilgan ishlar bilan tanishishdi. Tan olish kerak, tumanda muammolar yetarlicha. Bu yerning mahalliy aholisi bilan suhbatlashganimizda qish oldi odamlarni bir qancha muammolar o‘yga toldirgani oydinlashdi.

“Gaz muammosi qiynaydi, svet o‘chadi, yo‘limiz ham ta’mirga muhtoj”, deydi shu yerlik aholi. Darhaqiqat, Shanba MFYga borgunimizcha yo‘lning ahvoli ta’mirtalab ekanligiga o‘zimiz ham guvoh bo‘ldik.

Vobkent tumanining G‘aribshoh MFY aholisining muammolari ham Shanba MFY aholisinikiga o‘xshash edi.

Press-tur davomida mas’ullar tomonidan aholining muammolari tinglandi. MFYlar raislari aholini qanday muammolar qiynayotganini ma’lum qilishdi.

Buxoro viloyatidagi aholi muammolari o‘rganilmoqda. Maqsad — aholining turmush sharoitini yaxshilash

Buxoro viloyatidagi aholi muammolari o‘rganilmoqda. Maqsad — aholining turmush sharoitini yaxshilash

Buxoro viloyatidagi aholi muammolari o‘rganilmoqda. Maqsad — aholining turmush sharoitini yaxshilash

O‘z navbatida “Islom taraqqiyot banki va OPEK xalqaro taraqqiyot jamg‘armasi ishtirokida “Qishloq joylarni barqaror rivojlantirish” loyihasi aynan aholini qiynayotgan muammolarni hal etishga qaratilgani ta’kidlandi. Ya’ni yaqin 5 yil ichida qishloq aholisini qiynab kelayotgan muammolar bosqichma-bosqich hal etiladi.

Buxoro viloyatidagi aholi muammolari o‘rganilmoqda. Maqsad — aholining turmush sharoitini yaxshilash

Ma’lumot uchun, bugungi kunda Islom taraqqiyot banki bilan umumiy loyihalar portfelimiz 2,5 mlrd. dollarni tashkil etmoqda. Bular infratuzilma, uy-joy qurilishi, energetika, qishloq hududlarini rivojlantirish, sog‘liqni saqlash, ta’lim, suv xo‘jaligi kabi ustuvor sohalarni qamrab olgan.

Ayni paytda, Islom taraqqiyot banki ishtirokida 1,2 mlrd. dollarlik loyihalar amalga oshirilmoqda. Sherikligimizni sifat jihatidan yangi bosqichga olib chiqish uchun 2023-2026 yillarga mo‘ljallangan Hamkorlik dasturini ishlab chiqish jarayoni boshlangan. Mazkur dastur kambag‘allikni qisqartirish, yoshlar, xotin-qizlar, xususiy tadbirkorlikni rivojlantirish loyihalarini mikro-moliyalashtirish uchun zamin yaratadi.

O‘rnatilgan yaqin hamkorlik, O‘zbekistonda amalga oshirilayotgan iqtisodiy islohotlarning ustuvor yo‘nalishlariga e’tibor, shuningdek, Bank rahbariyati va xodimlarining qo‘shma investisiya loyihalarni tayyorlash va amalga oshirish masalalarini tezkorlik bilan hal qilishga tayyorligi, Islom taraqqiyot bankini O‘zbekiston Respublikasining muhim hamkoriga aylantirdi.

“Qishloq joylarni barqaror rivojlantirish” loyihasi doirasida hududlarni kompleks rivojlantirish va ularning me’moriy qiyofasini tubdan yangilash, zarur infratuzilma, jumladan, ichimlik suvi va elektr energiya ta’minotini yaxshilash, yo‘l-transport infratuzilmasi va ijtimoiy soha ob’ektlarini barpo etish orqali aholi kayfiyatini va albatta uning turmush (madaniyati) darajasini ko‘tarilishi uchun xizmat qiladi”, — dedi BMT Taraqqiyot dasturining fasilitatori Nargiza To‘xtamisheva.

Ma’lumot uchun, loyihaning umumiy qiymati. 338 mln. AQSh dollar (qaytarish muddati 20 yil), amalga oshirish davri 5 yilni (2021 — 2025 yillar) tashkil qiladi.

Xududlar kesimida:

Qoraqalpog‘iston Respublikasi, Buxoro, Navoiy va Xorazm viloyatlarining 20 ta tumanidagi 170 ta qishloqlarida (40 ta markaziy, 130 ta yondosh mahalla) bazaviy infratuzilma va ijtimoiy soha ob’ektlarini (Maktabgacha ta’lim muassalari, Maktab, Maxalla fuqrolar yig‘ini, qishloq vrachlik punktlari va boshqalar) yaxshilash, yo‘l-transport infratuzilmasi, toza ichimlik suvi va muhandislik-kommunikasiya tarmoqlarini ta’mirlash natijasida yangi ish o‘rinlarini yaratish ko‘zda tutilgan.

Hozirgi kunda O‘zbekiston hukumati Jahon bankining moliyaviy yordami bilan qiymati 4,8 milliard AQSh dollarini tashkil etadigan 27 ta loyihani amalga oshirmoqda. Ularning maqsadi fuqarolarning farovonligini oshirish, iqtisodiyotning turli sohalarini rivojlantirish, shuningdek, muhim ijtimoiy-iqtisodiy islohotlarni amalga oshirishdir. Ushbu loyihalar tibbiyot va ta’lim, aholini ijtimoiy himoya qilish tizimi, suv va kanalizasiya xizmatlari, qishloq xo‘jaligi va irrigasiya, meva-sabzavot va chorvachilik, energetika va transport, qishloq va shahar infratuzilmasini rivojlantirish, soliq ma’muriyati, statistika organlari, innovasiyalarni joriy yetish, jamiyatdagi ayollarning ahvolini yaxshilash, ishbilarmonlik muhiti, tadbirkorlik uchun sharoitlar va shu kabi sohalarda amalga oshirilmoqda.

Press-tur davomida Iqtisodiy rivojlanish va kambag‘allikni qisqartirish vazirligi "Qishloq joylarini barqaror rivojlanish" loyihasi bo‘yicha birlashtirilgan loyihalarni amalga oshirish guruhining Buxoro va Navoiy viloyatlari koordinatori Ulug‘bek Jo‘rayev O‘zbekiston Respublikasi iqtisodiy taraqqiyot va kambag‘allikni qisqartirish vazirligi tashabbusida amalga oshirilayotgan loyihalar yaqin 5 yil ichida chekka hududlardagi muammolarning ko‘p qismini hal etishga sabab bo‘lishini ta’kidladi.

Buxoro viloyatidagi aholi muammolari o‘rganilmoqda. Maqsad — aholining turmush sharoitini yaxshilash

Darhaqiqat, muammo har joyda bor. Ammo uni hal qilish uchun sa’y-harakat boshlangan ekan, ishonamizki, Islom taraqqiyot banki va OPEK xalqaro taraqqiyot jamg‘armasi ishtirokida amalga oshirilayotgan loyihalar o‘z samarasini berishi shubhasiz.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!