Britaniya razvedkasi: Rossiya o‘z hududida mudofaa inshootlarini qurishni boshladi

Buyuk Britaniya Mudofaa vazirligi razvedka xizmatining kundalik hisobotiga ko‘ra, Rossiya Ukraina bilan chegarada va Belgorod viloyatining chuqurligida mudofaa pozisiyalarini kengaytira boshladi. 6 dekabr, seshanba kuni Belgorod gubernatori mintaqada «o‘zini-o‘zi mudofaa bo‘linmalari» tashkil etilishini ma’lum qildi.

Razvedka hisobotida aytilishicha, Belgorodda kamida 2022 yil aprel oyidan beri xandaq qazish haqida xabarlar bor, ammo hozirda paydo bo‘layotgan dizaynlar, ehtimol, mexanizasiyalashgan hujumni qaytarish uchun mo‘ljallangan murakkabroq tizimlardir.

"Rossiya hukumati Rossiya hududida mudofaa inshootlarini qurish orqali vatanparvarlik tuyg‘ularini qo‘zg‘atmoqchi bo‘lishi ehtimoldan yiroq. Bu, ehtimol, ba’zi rasmiylarning Ukraina kuchlarining bostirib kirishining haqiqiy tahdidi borligiga samimiy (lekin yolg‘on) ishonchining ko‘rsatkichidir”, deyiladi xabarda.