Britaniya Isroilga murojaat qiladi
Buyuk Britaniya tashqi ishlar vazirligi Isroil hukumatini Falastin milliy ma’muriyati qoshida ishlayotgan norvegiyalik diplomatlarni akkreditasiyadan bosh tortish haqidagi qarorni qayta ko‘rib chiqishga chaqirdi, deb xabar beradi «RIA Novosti» .
Gap Falastin ma’muriyati bilan hamkorlik qilayotgan sakkiz norvegiyalik diplomatning diplomatik maqomi bekor qilinishi haqida ketmoqda. Tashqi ishlar vazirligi bayonotida, shuningdek, Norvegiya uzoq vaqtdan beri Yaqin Sharqda tinchlikni qo‘llab-quvvatlashda «o‘ziga xos va qimmatli rol» o‘ynaganini ta’kidladi.
8 avgust kuni Isroil Tashqi ishlar vazirligi Falastin milliy ma’muriyati qoshida ishlash uchun yuborilgan norvegiyalik diplomatlarning akkreditasiyasini bekor qilishini ma’lum qildi. Bu qadam Norvegiyaning «bir tomonlama» Yaqin Sharq siyosati bilan kelishmovchilik bilan izohlanadi. Qaror etti kun ichida kuchga kiradi.
Norvegiya tashqi ishlar vaziri Espen Bart Eyde rasmiy norozilik bildirish uchun Isroil elchisini chaqirdi. Yevropa diplomatiyasi rahbari Xosep Borrell Tel-Avivning harakatlarini «Falastin bilan normal munosabatlar va hamkorlikni nomutanosib ravishda buzish» sifatida qoraladi.
