Boks. Hasanboy Do‘smatov g‘alaba qozondi, Fazliddin G‘oyibnazarov mag‘lubiyatga uchradi
Rossiyaning Sochi shahridagi Red Arena majmuasida professional boks oqshomi bo‘lib o‘tdi.
Unda yarim o‘rta vaznda Botir Ahmedov (10-3-0) va Muhammadsalim Sotvoldiyev (7-8-2) o‘rtasidagi jang bo‘lib o‘tdi. Jangda Sotvoldiyev jarohat olgani bois g‘alaba Ahmedovga taqdim etildi.
Havaskor boks bo‘yicha olimpiada va jahon chempioni Hasanboy Do‘stmatov (6-0, 5 KO) JAR vakili Sifamandla Baleniga (21-6-2, 8 KO) qarshi ringga ko‘tarildi. Jang to‘liq 10 raund davom etdi. Yakunda hakamlarning barchasi Do‘stmatovning g‘alabasini qayd etdi.
Ushbu boks oqshomida Fazliddin G‘oyibnazarov (11-2, 6 KO) WBA yo‘nalishi sobiq chempioni Rajab Butayevga (15-1, 12 KO) qarshi ringga ko‘tarildi. 10 raundlik jang 4-raundda Butayevning texnik nokautli g‘alabasi bilan yakuniga yetdi. Fazliddin jangni davom ettira olmasligi ma’lum qilindi va hakamlar texnik nokaut qayd etdi.
