BMT dunyoni butunlay Internet bilan ta’minlash uchun qancha mablag‘ kerakligini hisoblab chiqdi

BMT Bosh kotibining ta’kidlashicha, 2030 yilga kelib sayyoramizning barcha aholisini Internetga ulash uchun 428 milliard AQSh dollari sarflash kerak bo‘ladi.

Hisobotda aytilishicha, 2019 yilda, COVID-19 pandemiyasi boshlanishidan oldin, rivojlangan mamlakatlarda odamlarning 87 foizi, kam rivojlangan mamlakatlarda esa 19 foizi Internetdan foydalangan.

Qayd etilishicha, Internetga ega bo‘lmagan dunyo aholisining 60 foizga yaqini qishloqlarda yashaydi.

Kerak bo‘layotgan mablag‘ning aksariyat qismi esa Afrikaga yo‘naltiriladi.