Berbok: Moldova Rossiya tajovuzi uchun navbatdagi davlatdir

Germaniya tashqi ishlar vaziri Annalena Berbok Moldovaga tashrifi chog‘ida Kiyev Moskva qo‘liga o‘tsa, Sharqiy Yevropa davlati ham Rossiya bosqinining qurboni bo‘lishi mumkinligini aytdi.

«Ukrainani qo‘llab-quvvatlash uchun qilayotgan har bir ishimiz Moldova bilan bog‘liq vaziyatni barqarorlashtirishni ham anglatadi», dedi Berbok Kishinyovda. «Bu yerda odamlarning eng katta tashvishi nima ekanligi aniq: Ukraina qulasa, navbatdagi davlat Moldova bo‘ladi».

Berbokning izohlari u Fransiya, Ruminiya, Polsha, Niderlandiya va Litvadan kelgan hamkasblari bilan ishtirok etgan Moldova hamkorlik platformasi chog‘ida yangradi.

Moldova va Ukraina Yevropa Ittifoqiga qo‘shilish bo‘yicha muzokaralarning dastlabki bosqichida.