“Avtomobilsiz kun” jamoatchilik loyihasini amalga oshirish to‘g‘risidagi taklif ma’qullandi
![“Avtomobilsiz kun” jamoatchilik loyihasini amalga oshirish to‘g‘risidagi taklif ma’qullandi “Avtomobilsiz kun” jamoatchilik loyihasini amalga oshirish to‘g‘risidagi taklif ma’qullandi](/photos/news/u8IYMOSSNoCGNfu.jpeg)
Bu haqda O‘zbekiston Respublikasi Prezidentining 2024 yil 21 fevralda qabul qilingan “O‘zbekiston – 2030” strategiyasini “Yoshlar va biznesni qo‘llab-quvvatlash yili”da amalga oshirishga oid davlat dasturi to‘g‘risida”gi farmonida qayd etildi.
Keng jamoatchilik vakillari va ekofaollarning ekologiyaga avtomobillar chiqindi gazlarining zararli ta’sirini kamaytirish uchun Toshkent shahrida har oyning bir ish kuni davomida avtomobillar harakatlanishini (jamoat transportlari, maxsus va shoshilinch yordam xizmatlaridan tashqari) qisqartirishga qaratilgan “Avtomobilsiz kun” jamoatchilik loyihasini amalga oshirish to‘g‘risidagi taklifi ma’qullandi.
Bunda, binosi Toshkent shahrida joylashgan barcha respublika va hududiy ijro etuvchi hokimiyat organlarining rahbar va boshqa xodimlari jamoat transportida ish joyiga kelishi orqali namuna ko‘rsatib boradi.