AQShning janubi-sharqiga yopirilgan “Helen” to‘foni 64 kishining hayotiga zomin bo‘ldi

Dovul payshanba kuni Floridada boshlanib, keyin Jorjiya, Karolina va Tennessi shtatlari bo‘ylab tarqaldi.

AQShga yopirilgan «Helen» to‘foni «tarixiy suv toshqinlarini» yuzaga keltirib, 3 milliondan ortiq xonadonni elektr ta’minotisiz qoldirdi.

Tennessi shtatidagi Ervin shahrida polisiya va qutqaruvchilar vertolyot yordamida shifoxona tomiga chiqib olgan 50 dan ortiq insonni qutqarishga muvaffaq bo‘lgan.

Dastlabki ma’lumotlarga ko‘ra, dovuldan ko‘rilgan zarar miqdori 110 milliard dollarga yetishi mumkin.