AQSh Xitoydan elektromobillar va boshqa tovarlarga bojlarni oshiradi

Xitoydan elektromobillar importi uchun bojlar to‘rt baravar - 25 foizdan 100 foizgacha oshiriladi. Tariflarning oshishi Xitoydan 18 milliard dollarlik tovarlarga ta’sir qiladi. Vashington bu qarorini amerikalik ishchilar va kompaniyalarni XXRning “adolatsiz savdo amaliyotidan” himoya qilish istagi bilan izohladi.

"Xitoy jahon bozorlarini sun’iy ravishda arzon narxlardagi eksport bilan to‘ldirmoqda", — deyiladi Oq uy bayonotida.

Xitoydan AQShga import bojlari qimmat bo‘ladigan tovarlar ro‘yxatiga quyidagilar kiradi: elektr transport vositalari, litiy-ion batareyalari, quyosh panellari, ba’zi turdagi po‘lat va alyuminiy mahsulotlari, asosiy minerallar, kranlar va ba’zi tibbiy mahsulotlar.