Ana xolos! Sirdaryoda haydovchi butun shaharni gazsiz qoldirdi
Sirdaryo viloyati, Shirin shahrida haydovchi boshqaruvni yo‘qotib — gaz quvuriga borib urildi. Natijada, «Amir Temur» mahallasidan o‘tuvchi gaz tarmog‘ida avariya holati yuzaga kelib, butun shahar vaqtincha gazsiz qoldi.
Foto: Shirin shahar hokimligi
Kecha tungi soat taxminan 3:00 lar atrofida Shirin shahar «Amir Temur» mahallasi «Ibn Sino» ko‘chasidan o‘tuvchi o‘rta bosimli gaz tarmog‘ida avariya holati yuzaga kelgan, deyiladi shahar hokimligi axborot xizmatining xabarida.
Foto: Shirin shahar hokimligi
Shaxsi ochiqlanmagan haydovchining boshqaruvni yo‘qotishi oqibatida avtotransport vositasi gaz quvuriga borib urilishi natijasida avariya holati yuzaga kelgan. Buning oqibatida gaz ta’minoti butun shahar bo‘ylab, soat 3:00 dan 9:00 gacha uzib qo‘yilgan.
Foto: Shirin shahar hokimligi
Shu kechaning o‘zida shahar hokimligi hamda «Shirinshahargaz» gaz ta’minoti korxonasi xodimlarining sa’y-harakatlari bilan muammo bartaraf etilgan.
