66 milliard dollar: Bu Isroil tarixidagi eng qimmat urush

Isroil G‘azo sektorida bosqinchilik va qirg‘inbarot urushini boshlaganiga 369 kun bo‘ldi. 24 soat davomida G‘azo sektori, Iordan daryosining G‘arbiy sohili hamda butun Yaqin Sharq hududida sodir bo‘lgan asosiy voqealar.

▪️Bosqinchilar Shujayi, Bayt Lahiya, Jabaliya, Nuseyrat va Burij lagerlariga hujum qildi. Kun davomida 43 kishi halok bo‘ldi. Urush boshlanganidan buyon 41 965 kishi shahid bo‘ldi.

▪️Bosqinchilar Jabaliya lageriga qo‘shimcha kuchlarni o‘tkazmoqda. Ko‘chalarda o‘nlab jasadlar yotibdi.

▪️G‘azo Sog‘liqni saqlash vazirligi: ishg‘olchilar 24 soat ichida 3 ta: Al-Avda, Kamal Advan va Indoneziya kasalxonalarini evakuasiya qilishni talab qildi.

▪️G‘arbiy Sohilda ishg‘olchilar Tulkarm, Tubas, Jenin, Al-Xalil va Baytlahmga hujum qiladi. Bir kishi halok bo‘ldi, o‘nlab odamlar hibsga olindi.

▪️Al-Quds brigadalari Jabaliya lageri markazida bosqinchilarga hujum qildi va Merkava tanki portlatib yuborildi.

▪️Hizbulloh 16 ta harbiy amaliyot o‘tkazdi. Eng keng ko‘lamlilari Hayfadagi harbiy ob’ektlarga 150 ta raketa uchirilishi, Sderot va Kiryat Shmonaga hujum bo‘ldi.

▪️Hizbulloh Livan bilan chegaradagi Labun hududi tomon yurishga uringan bosqinchilar otryadini yo‘q qildi.

▪️Bayrut chetidagi Dahiya tumani butunlay vayron qilindi.

▪️Bosqinchilar Damashq markazidagi turar-joy binosiga hujum qildi. 4 kishi halok bo‘ldi.

▪️The Washington Post: Netanyaxu Bayden bilan bevosita bog‘lanishga behuda urinmoqda.

▪️Isroil moliya vaziri Smotrich: Bu Isroil tarixidagi eng qimmat urush. Uning narxi hozircha 250 milliard shekelni (66 milliard dollar) tashkil etmoqda. Va davom etadi.

▪️Isroilning KodKod Newsnashri: HAMAS jangchilari qurollanish, jasorat va kuchlarimizga zarba berishga bo‘lgan jur’at borasida urush boshidagidek kurashmoqda va ularning jangovar darajasi pasaygani yo‘q, aksincha, oshib bormoqda.