Rossiya Suriyadagi bazalarini saqlab qoladimi?

Moskva Suriyaning yangi rasmiylari bilan harbiy bazalardan keyingi foydalanish bo‘yicha kelishuv tuzishga yaqin turibdi. Bu haqda Bloomberg manbalarga tayanib yozmoqda.

Taxminlarga ko‘ra, kelishuv Rossiyaga Xmeymim aviabazasi va Tartusdagi port ustidan nazoratni ta’minlaydi.

Rossiyalik insayderlardan birining so‘zlariga ko‘ra, Rossiya Mudofaa vazirligi «Hayat Tahrir ash-Shom» guruhi bilan «norasmiy kelishuv»ga erishilgan, bu esa Rossiya kuchlarining Suriya bazalarida qolishiga imkon bergan deb hisoblaydi.

Biroq, manbaning ta’kidlashicha, yakuniy qaror mamlakatda davom etayotgan beqarorlik tufayli o‘zgarishi mumkin.

9 dekabr kuni Kreml matbuot kotibi Dmitriy Peskov bazalarni saqlab qolish haqida gapirishga hali erta ekanligini ta’kidladi.

🗣«Har qanday holatda ham bularning barchasi Suriyada hokimiyat tepasida bo‘ladiganlar bilan muhokama qilinadigan mavzu. Hozir biz shunday o‘zgarishlar davrini, haddan tashqari beqarorlikni ko‘rmoqdamiz. Shu bois, bu vaqt talab etadi», - deya jurnalistlar savoliga javob berdi.