Rossiya Ukrainaga katta hujum boshladi

13 dekabr kuni ertalab Rossiya Ukraina hududiga 93 ta raketa va 200 ga yaqin dron uchirdi. Dastlabki ma’lumotlarga ko‘ra, 81 ta raketa urib tushirilgan, shundan 11 ta qanotli raketa F-16 tufayli urib tushirilgan. Bu haqda Ukraina prezidenti Vladimir Zelenskiy aytib o‘tdi.

«Bu bizning energetika sektorimizga qilingan eng katta hujumlardan biri», dedi Zelenskiy va kamida bitta raketa Shimoliy Koreyaga tegishli ekanligini aytdi.

Ukrainaning barcha hududlarida havo hujumi haqida ogohlantirish e’lon qilindi. Portlashlar Kiyev, Cherkas, Vinnitsa, Xmelnitskiy, Odessa, Xarkov va Ivano-Frankivsk viloyatlarida sodir bo‘lgan.

«Ukrenergo» shirkati mamlakat aholisining yarmiga yaqini elektr energiyasiz qolganini da’vo qilmoqda. Ukrainadagi eng yirik xususiy energetika kompaniyasi DTEK bir nechta issiqlik elektr stansiyalari uskunasiga shikast yetganini ma’lum qildi.

Rossiya Mudofaa vazirligi Taganrogdagi aerodromga ATACMS raketalari bilan uyushtirilgan hujumga javoban Rossiya harbiylari Ukraina energetika ob’ektlariga ommaviy hujum uyushtirganini ma’lum qildi.

Zarbalarning maqsadlariga erishildi, barcha ob’ektlarga zarba berildi. «Ukrainadagi harbiy-sanoat kompleksi faoliyatini ta’minlovchi muhim yoqilg‘i-energetika infratuzilmasi ob’ektlariga yuqori aniqlikdagi uzoq masofaga mo‘ljallangan havo va dengiz qurollari hamda uchuvchisiz uchish apparatlariga hujum uyushtirildi», — deyiladi xabarda.