18 ta sun’iy yo‘ldoshni orbitaga chiqarish uchun uchirilgan Xitoy raketasi 300 ga yaqin bo‘laklarga bo‘linib ketdi

18 ta sun’iy yo‘ldoshni orbitaga chiqarish uchun uchirilgan Xitoyning Long March 6A raketasi portlash natijasida yuzlab bo‘laklarga bo‘linib ketdi.

Bu haqda Bloomberg Xitoy tashqi ishlar vazirligiga tayanib xabar bermoqda.

Agentlikning ta’kidlashicha, Xitoy davlat OAVlari raketa qulashi haqida xabar bermagan, biroq ma’lumotlar ijtimoiy tarmoqlar va mashhur veb-saytlarda muhokama qilingan. Keyinchalik, Bloomberg bilan suhbatda TIV vakili raketa parchalanib ketganini tan oldi.

Long March 6A taxminan 800 km balandlikka 18 ta Internet sun’iy yo‘ldoshini uchirish uchun 6 avgust kuni ishga tushirildi. Slingshot Aerospace orbitadagi ob’ektlarni kuzatuvchi kompaniya raketa halokati haqida e’lon qildi. AQSh harbiy-havo kuchlariga ko‘ra, u 300 ga yaqin bo‘laklarga bo‘lingan.

Bloomberg'ning qayd etishicha, raketa qulashi «o‘n yilliklardagi eng yirik kosmik chiqindilar manbalaridan biri» bo‘lgan. Xitoy Tashqi ishlar vazirligi Pekin kosmik vayronalarga qarshi kurashga katta e’tibor qaratayotganiga ishontirdi.