Xitoy bilan aloqalarni uzish kompaniyalar kutganidan ham qiyinroq bo‘lib chiqdi

Bloomberg'ning yozishicha, AQShdagi o‘yinchoq ishlab chiqaruvchi Learning Resources kompaniyasi ishlab chiqarishni Xitoydan olib chiqishga harakat qilar ekan, kutilmagan muammoga duch kelmoqda: zavodni Xitoydan ko‘chirish mumkin, ammo ishlab chiqarish zanjirlaridan Xitoyni chiqarib tashlash ancha murakkab ekan.

🇻🇳 Vyetnam hozir Xitoyga eng real va qulay alternativ sifatida ko‘rilmoqda. Albatta, AQSh Vyetnamda ishlab chiqarilgan tovarlarga 20% boj qo‘ygan, lekin bu Xitoydan keladigan mahsulotlarga qo‘llaniladigan o‘rtacha 31% bojdan past. Ishlab chiqarishni Xitoydan ko‘chirish mumkin, lekin ishlab chiqarish jarayonidan Xitoy ta’sirini butunlay olib tashlash ancha qiyin.

📊Bugun Vyetnam jadal rivojlanayotgan ishlab chiqarish markazi: o‘tgan yili eksport hajmi 405 mlrd dollarga yetdi, shu jumladan taxminan 30% AQShga yo‘naltirilgan. Mamlakat AQSh bilan savdo profisiti bo‘yicha Xitoy va Meksikadan keyin uchinchi o‘rinda, yil davomida kiritilgan 25 mlrd dollar to‘g‘ridan-to‘g‘ri investisiyaning qariyb uchdan biri xitoylik investorlar hissasiga to‘g‘ri keladi.

📉Vyetnamdagi o‘yinchoq fabrikasi Xitoydagi o‘xshash korxonalarga nisbatan taxminan uchdan birga ko‘p ishchi ishlatadi, ammo bitta ishchiga to‘g‘ri keladigan hajm 40% past. Buning sababi, Xitoydagi zavodlar avtomatlashtirishga ancha vaqtdan beri katta sarmoya kiritgan va tajribali kadrlar bazasiga ega. Umumiy hisobda, Vyetnamda ishlab chiqarish xarajatlari Xitoyga nisbatan 10–15% yuqori.