AQSh Vengriyaga Rossiyaga qarshi taqiqlovchi sanksiyalardan bir yil muddatga voz kechdi

Qo‘shma Shtatlar Vengriyaga Rossiyadan neft va gaz sotib olishni taqiqlovchi sanksiyalardan bir yil muddatga voz kechdi.

Bu haqda AQSh davlat kotibi Marko Rubio Kanadada bo‘lib o‘tgan G7 sammiti yakunlari bo‘yicha jurnalistlarga ma’lum qilgan.

Uning so‘zlariga ko‘ra, Rossiyaning energiya ta’minotini to‘satdan to‘xtatish Vengriya iqtisodiyoti uchun "haddan tashqari shikast" bo‘ladi.

"Quvurlar va neft va gaz ta’minotiga kelsak, gap bir yil muddatga voz kechish haqida ketyapti... Bu energiya manbalaridan mahrum bo‘lish Vengriya uchun o‘ta beqarorlik bo‘ladi", dedi Rubio.

Davlat kotibi Kiyev bilan Ukraina energetika tarmog‘ini himoya qilishga yordam beradigan qurol yetkazib berish bo‘yicha muzokaralar haqida ham gapirdi. "Ammo oxir-oqibat, agar bu uskuna o‘rnatilgandan keyin bir hafta o‘tib yo‘q qilinsa, muammo bo‘lib qolaveradi. So‘nggi ikki-uch yil ichida shunday bo‘lgan", - deya qo‘shimcha qildi u.

Rubio, shuningdek, Rossiya hozirda Ukrainadagi urushni tinch yo‘l bilan hal qilishga tayyor emasligini, AQSh va Rossiya prezidentlarining ehtimoliy uchrashuvi aniq natijalarga olib kelishi kerakligini ta’kidladi.