Зеленский: "Ҳозирча тирикман. Ўлганимдан кейин мамлакат ўз етакчисидан айрилмаслиги учун режа тузиб қўйганман"
Украина Президенти Владимир Зеленский вафот этган тақдирда мамлакат фавқулодда вазиятда етакчисидан маҳрум бўлмаслиги учун режа тузиб қўйилганди. Бу ҳақда унинг ўзи маълум қилди.
Давосдаги Украина уйига йиғилганларга видеоалоқа орқали мурожаат қилган Зеленский, қонунчиликда бундай сценарийлар кўрсатилганини эслатган.
“Биз тайёрлангандик ва бўлингандик мен, Бош вазир ҳамда парламент раҳбари бўлиндик. Бизда парламентли-президентлик республикасидир. Агар бирор йўқотиш бўлса, биз бу жараёнга тайёр бўлишимизни кераклигини тушундик. Вазирлар Маҳкамасини икки қисмга бўлдик, токи мамлакатни бундай натижалардан ҳам ҳимоя қилиш мумкин бўлсин”, деган Зеленский.
Украина Президенти унинг ҳаётига таҳдид давом этаётганини тан олди.
“Аммо мен ҳозирча тирикман ва бу голограмма эмас, мен сиз билан ҳақиқатан ҳам гаплашяпман”, деб ҳазиллашган у.
Апрель ойи бошида Украина Президенти девони вакиллари Россия босқинининг бошидан бери Владимир Зеленскийга ўндан ортиқ суиқасд уюштирилганини айтган эди.
“Бизнинг қўриқчиларимиз ушбу масалаларни ва бу ерга ов қилиш учун келган муаммоли элементларни йўқ қилиш билан шуғулланяпти”, деган Зеленскийнинг ўзи Россия ОАВларига берган интервьюсида.
Россия Федерацияси Президентининг матбуот котиби Дмитрий Песков француз телеканалига берган интервьюсида, Россия Зеленскийни ўлдиришни режалаштирганми ёки йўқми деган саволга жавоб берар экан, “бу ҳақиқат эмас” деган.
