Зеленский Байдендан Украина учун «муҳим қарорлар»ни талаб қилди

Украина етакчиси Владимир Зеленский Жо Байдендан АҚШ президентлиги даврида Киевни қўллаб-қувватлаш учун муҳим қарорлар қабул қилишни талаб қилди . Бу ҳақда у хорижлик журналистлар билан суҳбатда маълум қилди, дея хабар беради «Интерфакс-Украина».

Зеленскийнинг ишончи комилки, Байден «Украинани кучайтира олади ва у Қўшма Штатлар президенти бўлган даврда Украина кучайиши ва мустақиллигини ҳимоя қилиши учун муҳим қарорлар қабул қилиши мумкин».

«Менимча, бу ҳеч бўлмаганда Украина нуқтаи назаридан ҳамон тарихий миссия. Чунки унинг ўз ҳаёти ва сиёсий карераси бор. Мен у учун нима муҳимлигини билмайман. Мен фақат бу уруш нуқтаи назаридан гапиряпман», деди у.

Украина президенти «Байден билан жуда қийин ва қизиқарли мулоқотлар ўтказганини» таъкидлади, шундан сўнг у фикрини ўзгартирди.