Хитойда Россия товарлари сотиладиган биринчи савдо маркази очилиши мумкин

Қишда, Хитойда рус товарлари учун биринчи савдо маркази пайдо бўлиши мумкин . Бу ҳақда Россия-Хитой дўстлик, тинчлик ва ҳамкорлик қўмитасининг Россия қисми раиси Борис Титов маълум қилди .

«Биринчи навбатда, албатта, гап озиқ-овқат ҳақида кетмоқда. Биз Циан шаҳрида биринчи шундай марказни келгуси Хитой Янги йилига қадар, тахминан февраль ойида очишни кутмоқдамиз», деди махсус вакил.

Титовнинг сўзларига кўра, агар Русмаркет лойиҳаси муваффақиятли амалга оширилса, келажакда ХХРда яна иккита шундай савдо марказлари очилади: курорт Хайнан оролида ва Хитой пойтахти Пекинда .