Исроилнинг Ҳизбуллоҳ устидан устунлиги аксарият кузатувчилар учун кутилмаган воқеа бўлди

Ҳизбуллоҳ Исроилнинг Ғазодаги операциясини тўхтатиш учун кўпчилик тахмин қилган шимолда иккинчи фронтни очолмади. Аксинча, ҳозирги вазиятдан кўриниб турибдики, Исроил кутилганидан анча каттароқ қаршилик ва ҳаракатга тайёргарликни намойиш қилди.

Исроил махсус хизматлари томонидан режалаштирилган ва тезкор равишда амалга оширилган Ҳизбуллоҳга қилинган ҳужум ушбу ташкилотнинг асосий шахсларини мунтазам равишда йўқ қилиниши ва унинг ҳарбий инфратузилмасини барбод бўлишига олиб келди. Разведкадан моҳирона фойдаланиш Нетаняхуга душманнинг заиф томонларига аниқ зарбалар беришга имкон берди, бу Ҳизбуллоҳ раҳбарияти орасида катта йўқотишларга олиб келди.

Таъкидлаш жоиз, Нетаняху бошчилигидаги Исроил ҳукумати Ғазодаги аввалги операциялардан яхши сабоқ олди. Ливанга қуруқликдаги қўшинларни киритиш ўрнига, Исроил аниқ ҳаво ҳужумлари ва пухта тайёрланган операцияларига таяниб, муҳим тактик устунликка эришди.

Тахминларга кўра, Ҳизбуллоҳ яқин орада ўз кучи ва инфратузилмасини тиклай олмайди, бу эса унинг имкониятларини жиддий равишда чеклайди. Шу билан бирга, Исроил ҳаво ҳужумларини разведка операциялари билан бирлаштириб, гибрид тактикалардан фойдаланишда давом этиши мумкин. Қисқа муддатда бу нафақат Ҳизбуллоҳнинг, балки унинг минтақадаги тарафдорларининг ҳам заифлашишига олиб келиши мумкин, бу эса Яқин Шарқдаги геосиёсий динамикасини янада ўзгартиради.