«Ювентус» ҳам жамоа бош мураббийини истеъфога чиқарди

«Ювентус» бош мураббий Андреа Пирлонинг истеъфога чиқарилганини эълон қилди.

Maestroга ҳар куни кўрсатилган жасорат, фидойилик ва иштиёқ учун миннатдорчилик билдирамиз. Биз чин дилдан Андреага келажакда омад ёр бўлишини тилаймиз.

Ювентус» баёноти

Аввалроқ Пирлонинг ўрнини 2014-2019 йилларда «Ювентус»ни бошқарган Массимилиано Аллегри эгаллаши ҳақида хабар берилганди.

42 ёшли мутахассис 2020/21 йилги мавсум бошида Турин клубини қабул қилиб олиб, 2022 йилнинг ёзига қадар мўлжалланган шартнома имзолаганди. Клуб унинг қўл остида Италия Кубоги ва Суперкубогини қўлга киритди. А Серияда эса тўртинчи ўрин билан кифояланди. Қайд этиш ўринли, «Ювентус» 2020/21 йилги мавсумда 2012 йилдан бери илк марта А Серия ғолиблигини қўлга кирита олмади.