Йиллаб навбатда туриш фуқароларни бола сотиб олишга мажбур қиляптими?
Сенатнинг 20-ялпи мажлисида Миллий гвардия қўмондони, генерал-майор Рустам Жўраев болаларни асраб олишда юзага келаётган муаммоларга тўхталиб ўтди.
Унинг сўзларига кўра, ўрганишлар даврида болани фарзандликка олиш истагида бўлган ота-оналар жуда кўплиги маълум бўлган.
«Жумладан, республикада фаолият юритаётган 13 та Болалар уйларида жами 504 нафар бола тарбияланаётган бўлса, уларни фарзандликка олиш учун ҳозирги кунда навбатда 5792 нафар фуқаро турганлигини кўришимиз мумкин», — деди у.
«Фуқароларни йиллар давомида фарзандликка олувчилар рўйхатида навбатда туришлар, улар томонидан қонуний ҳужжатлар расмийлаштириш жараёнини четлаб ўтиб, ноқонуний йўллар билан бола сотиб олиш даражасига олиб бормоқда», — деди Рустам Жўраев
Матнда хатолик топсангиз, ўша хатони белгилаб, бизга жўнатинг (Ctrl + Enter).
