Хитой АҚШга таҳдид қилди

Хитой ҳукумати АҚШ Конгресси Вакиллар палатаси спикери Ненси Пелоси Тайванга ташриф буюрган тақдирда самарали қаршилик кўрсатади.

Бу ҳақда Хитой Ташқи ишлар вазирлиги расмий вакили Чжао Лицзянь маълум қилди.
“Пелосининг Тайванга келиши АҚШ томонидан Хитойнинг ички сиёсатига қўпол равишда аралашиш сифатида баҳоланади ва бу ўта оғир оқибатларга олиб келади”, деди у журналистлар учун брифингда.

“Хитой халқ озодлик армияси қўл қовуштириб ўтирмайди”.
Дипломатнинг таъкидича, америкалик спикернинг бундай амали Тайван бўғозидаги вазиятни беқарорлаштириши ва АҚШ-Хитой муносабатига путур етказиши мумкин.
“Хитой, албатта, бунга қарши қатъий ва самарали чора кўради”, деди ТИВ вакили.