WBO рейтинги: Аҳмадалиев, Мелиқўзиев юқорилади, Дўсматов эса пастлади

Бутунжаҳон бокс ташкилоти (WBО) май ойи учун янгиланган рейтингни эълон қилди.

Ушбу рўйхатдан 7 нафар боксчимиз жой олган:

Ҳасанбой Дўсматов (биринчи ўта енгил вазн (48,8 кг): ўтган ойдагидан бир поғона пастлаб, 7-ўринга жойлашди;

Олимжон Назаров (ўта енгил вазн тоифаси - 50,8 кг) ўтган ойдагидан бир поғона юқорилаб, 4-ўринни эгаллади;

Муроджон Аҳмадалиев (биринчи ярим енгил вазн тоифаси - 55,3 кг) ўтган ойдагидан бир поғона юқорилаб, 5-ўринни эгаллади;

Муҳаммад Шехов (биринчи ярим енгил вазн тоифаси - 55,3 кг) ўтган ойдагидан бир поғона юқорилаб, 6-ўринни эгаллади;

Шаҳрам Ғиёсов (яримўрта вазн тоифаси - 66,6 кг) ўтган ойдаги каби 2-ўринга жойлашди;

Бектемир Мелиқўзиев (суперўрта вазн - 76,2 кг) ўтган ойдагидан бир поғона юқорилаб, 9-ўринни эгаллади;

Баҳодир Жалолов (супероғир вазн - 90,7 кг) ўтган ойдаги сингари 15-ўринда қолди.