Товар реализацияси учун харидордан қабул қилинган бўнак (аванс) онлайн-НКТ чекларида қандай акс эттирилади?

Агар товарни жўнатиш (бериш) амалга оширилмаса, товарга бўлган мулк ҳуқуқи харидорга ўтказилган кун товарларни реализация қилиш бўйича айланма амалга оширилган сана ҳисобланади.

Харидор маҳсулотнинг тўлиқ қиймати миқдорида бўнак (аванс) тўловларини амалга оширгандан кейингина уни олади. Шунинг учун, сотувчи харидордан товарга бўнак олганда олдиндан тўлов миқдори учун чек беради. Бунда, онлайн-НКМ ва виртуал кассада “Бўнак” чек тури ва товарнинг тўлиқ қийматидан харидор томонидан тўланган қисми кўрсатилиши лозим. Бундай чекларда ҚР-код ва фискал белги шакллантирилмайди.

Харидор якуний тўловни амалга оширганда, онлайн-НКМ ва виртуал касса чекида товарнинг тўлиқ қиймати кўрсатилади, белгиланган тартибда ҚР-код ва фискал белги шакллантирилади. Бундай ҳолда, харидор томонидан сотиб олинган товарнинг тўлиқ қиймати солиқ ҳисоботида акс эттирилади.

Онлайн-НКМ ва виртуал кассада кўрсатилган чек турлари my3.soliq.uz сайтидаги солиқ тўловчи шахсий кабинетининг тегишли бўлимида ҳам акс этади.