Вирусологни ўлдириш билан таҳдид қилган снайпернинг жасади топилди
Май ойи ўрталарида ҳарбий базадан қурол олиб, вирусолог Марк ван Ранстга жавоб қайтариш билан таҳдид қилганидан кейин бедарак йўқолган Бельгия аскари Юрген Конингснинг жасади топилди.
Отиш бўйича ўқитувчи Юрген Конингс Нидерландия чегараси яқинидаги миллий боғда ўлик ҳолда топилди.Маҳаллий оммавий ахборот воситаларининг хабар беришича, жасадни Масейк шаҳри мери Йохан Толленаер парк яқинида велосипедда ҳаракатланаётганда бадбўй ҳид сезганидан кейин тасодифан топган. Шундан сўнг у дарҳол полицияга мурожаат қилди.
Конингс экстремистликда гумон қилинганлар рўйхатига киритилган. У Бельгияда коронавирусга қарши кураш учун масъул бўлган эксперт Марк ван Ранстга таҳдид қилган.
Полиция Конингснинг машинасини 18 май куни топган, у ерда ўқ-дорилар билан тўртта танкка қарши граната отиш мосламаси топилган.
Прокуратура якшанба куни топилган жасад 17 май куни ғойиб бўлган Конингсга тегишли эканлигини тасдиқлади. Эҳтимол, ўлим сабаби ўз жонига қасд қилишдир. Шунингдек, Конингснинг "у энди сиёсатчилар ва вирусологлар биздан ҳамма нарсани тортиб олган жамиятда яшай олмайди" деб ёзган мактубини қолдиргани хабар қилинади.
