Туркманистонга «Mercedes» машиналарининг кириши тақиқланди
Маълум бўлишича, машиналар «қора» рўйхати қуйидагича тузилган:
ҳар қандай «Mercedes-Benz» моделлари;
«BMW» компаниясининг 2017 йилдан кейин ишлаб чиқарилган машиналари;
«Volkswagen Caravelle», «Volkswagen Touareg V6» «Volkswagen Phaeton», «GMC Yukon Denali, XL», «Chrysler Pacifaca L», «TESLA MODEL X» автомобилларининг 2017 йилдан кейин ишлаб чиқарилгани;
«Toyota Granvia V», «Toyota Hiace», «Toyota Sienna», «Lexus ES» машиналарининг сўнгги 2 йилда ишлаб чиқарилгани.
Қайд этилишича, бу машиналар нима учун тақиқлангани аниқ эмас. Рўйхатдаги баъзи автомобиллар Туркманистонда такси сифатида кенг қўлланилади. 2020 йил декабрь ойида Туркманистонда «Mercedes» ва «BMW» эгалари транспорт воситаларини техник кўрикдан ўтказа олмаслиги айтилганди. Бундан ташқари мамлакатда тўқ рангдаги машиналар ҳаракатланиши қатъиян ман этилганди.