Туркманистонда белгиланган меъёрдан ортиқ нон сотиб олганлик учун 15 сутка қамоқ жазоси қўлланилади

Ун ва нон танқислиги сабабли полиция давлат дўконларида нон савдоси устидан назоратни яна кучайтираётгани айтилмоқда.

Улар, жумладан, белгиланган меъёрдан ортиқ нон сотиб олган фуқароларни аниқлайди.

Нон сотиб олишда меъёр ҳудудларга қараб 2 ёки 3 тадан ошмаслиги керак.

Эслатиб ўтамиз, 2021 йил бошида Мари вилоятидаги давлат дўконларида нон фақат оила аъзолари сонини тасдиқловчи маълумотнома ҳамда газ, сув ва электр энергиясидан қарзи йўқлиги тўғрисидаги ҳужжатлар асосида сотилаётгани маълум қилинган эди.