Туркиядаги ёнғинларни уюштирган террорчилар гуруҳи номи маълум бўлди
Июль ойининг охиридан буён бутун Туркия бўйлаб тарқалган ўрмон ёнғинларини "Олов болалари" террористик гуруҳи ўз зиммасига олди. Бу ҳақда Yeni Safak газетаси ёзади.
"Олов болалари" - Курдистон ишчилар партияси (КИП) бўлинмаси, унинг аъзолари Туркияда террорчи деб тан олинган. Ташкилот ижтимоий тармоқлар орқали ўзини ёнғинлар учун жавобгар деб эълон қилди ва ўз ҳаракатларини ҳокимият билан кураш деб тушунтирди. "Бошқа тилни тушунишни ўрганмагунча, Туркия режимини олов оқими билан тиз чўктириш вақти келди", дейилади баёнотда.
Газетанинг таъкидлашича, "Олов болалари" 1990-йиллардан бошлаб мамлакатда мунтазам равишда ёнғинларга сабаб бўлган. Улар ўтган йили ҳам худди шундай ҳаракатларни амалга оширган.
Aввалроқ, Туркия президенти Ражаб Тоййиб Эрдоған ёнғинларда КИПнинг иштироки борлигини бир неча бор эълон қилганди.
