Телеграм пулли реакцияларни синовдан ўтказишни бошлади
Телеграм пулли реакцияларни синовдан ўтказишни бошлади, дея хабар берди “Телеграм Инфо” мессенжернинг манба кодига таяниб.
Нашри пулли реакцияларга эга бўлган канал эгаси “юлдуз"ларни “Тонcоин” криптовалютасига алмаштира олади.
Муқобил “Телеграм” мижози ишлаб чиқарувчиси ушбу босқичда функция қандай кўринишини кўрсатди. Реакция олтин юлдузни ифодалайди.
Бир вақтнинг ўзида бир ёки юзтача юбориш мумкин. Хизмат шунингдек, энг кўп пул тўлаган реакцияларни жойлаштирган уч фойдаланувчининг профилини ҳам кўрсатади.
Ушбу хайриялар ҳақида эслатма аллақачон контент муаллифлари учун фойдаланиш шартларига киритилган. Сўзларга қараганда, реакцияни қўшиш учун канал бир қатор талабларга жавоб бериши керак.
“Телеграм” 2024 йил июн ойида “Старс” ички валютасини ишга туширганди. Юлдузларни “Апп Сторе” ва “Google Play” орқали илова ичидаги харидлар ёки “ПремиумБот” орқали харид қилиб, уларни ботлар томонидан таклиф этиладиган рақамли маҳсулотлар, электрон китоблар ва онлайн курслардан тортиб “Телеграм” ўйинларидаги буюмларгача сарфлаш мумкин.
Виртуал валюта “Apple” ва “Google” компанияларининг рақамли маҳсулотлар савдосига оид охирги сиёсатларига мос келади.
Шунингдек, “Телеграм” экотизимидаги дастурчилар ва уларнинг фойдаланувчиларига мобил иловалар дўконларида илова ичидаги харидлар имкониятидан мисли кўрилмаган даражада фойдаланиш имконини беради.
